fordi det er vi to

Tre veker på impulstur til USA

2011-07-30T20:03:00.003+02:00

Det heile byrja med at vi skulle sjekke restplass.no etter billige sydenturar. Det eine førte til det andre og brått var me på tur til USA igjen (!) Her er litt av det me har gjort til no:

Eg er heldig

2011-02-22T20:43:00.004+01:00

I dag kjenner eg meg heldig, på så mange måtar.

Eg er heldig fordi Hans Jakob har kome trygt heim frå gutetur i USA.
Eg er heldig som er student og kan ta heile dagen fri berre for å vere saman med Hans Jakob.
Eg er heldig fordi eg har hatt det kjekt medan han har vore vekke med mange kjekke venninner!
Eg er heldig som kan nyte det fantastisk fine vinterveret vi har for tida.
Eg er heldig som har vore på ei kjekk volleyballtrening i dag.

Og.. eg er heldig fordi Hans Jakob hadde med ein heil koffert med gåver til meg! Heilt utruleg!

Alt dette til meg! Eg er ei heldig kone!

Hans Jakob er nøgd med fangsten trur eg.. No har han flytta seg frå sofaen til senga. Han har sove i nokre timar allereie. Han har vel eit jetlag å verte kvitt. Eg slepp, eg er heldig!

Juleferie

2010-12-13T08:45:00.002+01:00

13. desember, sjølvaste luciadagen, starta eg idag kl 0730 i Vår Frue kirke. Luciamorgon med luciatog, flotte damestemmer i Cantus og solo av mi gode barndomsvenninne Cesilie sette stemninga for det som skal verte ein kjekk adventsdag med julehandel. Ferda gjekk no vidare til Choco Boco for julekortskriving medan eg venter på at butikkane skal opne. Eg likar juleferie!

RBK-AAFK

2010-11-07T19:14:00.001+01:00

I skrivande stund er det 1-1. Eller, nei, der vart det mål til Rosenborg, så 2-1 vart det.. men vi kosar oss med kakao og har det ikkje så verst likevel..

Cupcakesslabberas

2010-10-30T14:13:00.001+02:00

Laurdagskos med cupcakes- og kaffeslabberas saman med Solveig og Hans Jakob. Cupcakesa kjøpte vi i dyra dommar på statens diettpengar hos fairytale cupcakes og no er dei fortært med påfølgande snittkarakter og plassering..

OBS OBS!

2010-10-16T16:23:00.001+02:00

Hans Jakob har handla på tilbod i dag.. :)

Lunsj i det fri..

2010-09-30T14:07:00.003+02:00

Ikkje verst å kunne innta lunsjen på Estenstadhytta med utsikt over fagre Trondheim i sola. Hausten er ei fin tid!

Turnering

2010-09-19T22:47:00.002+02:00

Denne helga har gått med til volleyballturnering på Dragvoll. Kjekk sesongstart med eit nesten heilt nytt samansett lag, D2C. Artig :)

Vi overraska oss sjølve stort med to seirar i går, men tapte to kampar i dag, noko som resulterte i ei plassering litt under midten av 12 lag. Eg er i alle høve særs nøgd med sesongopninga, og gler meg til resten av sesongen saman med kjekke jenter!

Godværshelg

2010-09-05T21:52:00.002+02:00

I går pakka Hans Jakob og eg sekken, etter nøye å ha sjekka vermeldingane. God temperatur, fare for sol og absolutt ingen fare for nedbør gjorde det overkomeleg for oss to å legge ut på overnattingstur i marka. Hovudmålsetninga var å prøve ut dei nye soveposane våre.

Kort oppsummert kan ein seie at døgnet vårt på tur baud på mykje mat, gode soveposar, bra bål, lite fisk, litt hekling og til slutt ein herleg middag (minus desserten) på Studenterhytta.

Forkasta oppvaskstativ gav god oppfyringsved. Akkurat passeleg telt for to. Blikkstille vatn og etterkvart stjerneklar himmel.

Pannekaker til kvelds og frukost. Morgonhekling i shorts.

Morgonbad. Og kaffe på verandaen til Studenterhytta. Kjekk helg! Kjekke folk!

Mobilbloggtest

2010-09-01T10:19:00.001+02:00

Klarar eg å blogge med mobilen tru?

.. som perler på ei snor..

2010-08-26T22:41:00.003+02:00

Første skuledag er over for denne gong. Saman med Jorun (som eg gjekk ped saman med) trappa eg opp til første skuledag. Og som på så mange andre første skuledagar var bileter på sin plass :p

Jorun og eg har starta på master i rådgjeving på Dragvoll, og dei tre timane med forelesing i dag baud på mange gullkorn etter kvart som vi presenterte oss for kvarandre ved å fortelje kvifor det er akkurat rådgjevarar vi har lyst til å verte..

Til dømes har eg lært at ein rådgjevar kan samanliknast med ein kartteiknar. Rådgjevaren teiknar kartet, og klienten tar vegvalget.
Og kanskje kan ei rådgjevar hjelpe nokon littegrann på kort sikt, som kan få store følgjer på lang sikt?

No er eg i alle høve i gang. Det vert spanande å sjå korleis fortsetjinga vert. Hans Jakob starta på mandag og er allereie i full gang med 4. året. I dag forsov han seg, så kvardagane er absolutt tilbake her i Trondheim!

San Francisco

2010-07-28T10:31:00.002+02:00

Vi er heime att i Noreg, og har snart vore det i ei veke. Tida gjekk fort mot slutten i statane, og den har i alle høve gått fort her etter at vi kom tilbake, difor kjem det no ei svært forseinka oppdatering om den siste dagen i USA.

Dagen starta med eit besøk på fengselsøya Alcatraz. Her fekk vi ein guida audiotur. Dei farlegaste skurkane i USA budde her, og vi fekk høyre historier om rømmingsforsøk og litt av kvart anna. Etter dette gjekk vi bortover kaiområdet Fisherman's Wharf og såg på sjøløver, gamle krigsskip og rare gatemusikantar.

Eg hadde eit stort ynskje for dagen, og det var å ta trikken, eller trammen som dei kallar han der. Der var det så lang kø at vi heller bestemte oss for å gå trikkeskinnene og ta eit bilete av trikken i ein bratt bakke :) Eit godt val viste det seg, for trikkeskinnene førte oss rett forbi dørene til sjømannskyrkja i SF. Her fekk vi kaffe, vafler, omvisning i kyrkjerommet og god prat. Trikkeskinnene førte oss vidare opp til toppen av bakken der vi kom over "the crookedest street", som er ei svært bratt gate med mange svingar.

Denne følgde vi ned, og vidare viste Finn Vegar oss vegen heimatt i gåmodus til bilen. Slettes ikkje verst. Turen heim gjekk bra for begge to. Dei siste dagane har Hans Jakob vore på Lyngør på familieferie, og eg har vore i bryllaup i Sykkylven. Det har vore godt å kome heimatt til Noreg og!

Kva som skjer vidare på bloggen i sommar er ikkje godt å seie, vi får sjå! :) God sommar vidare!

If you are going to San Francisco

2010-07-18T20:25:00.002+02:00

Frå Ventura (som mellom anna er kjend for ein pet-detective med kreativ frisyre) gjekk turen langs Highway 1 til San Francisco. Her gjekk det for alvor opp for oss kor framande amerikanarane er for vegar som svingar. Kvar einaste ein av dei køyrde som tyske campingturistar i Norangsdalen ein varm sumardag. Men med Knausgårds første "Min kamp" på lydbok over høgtalarane gjekk det framover og utsikta var mildt sagt upåklageleg.

Flott utsikt 1

Flott utsikt 2

Ventura beach

2010-07-18T20:18:00.004+02:00

På veg oppover frå Los Angeles til San Francisco er det mange fine strender. Ventura Beach ei av dei. Bølgene var ikkje dei største, og brettet var nok heller ikkje det mest stabile, men det var gøy, veret var fint, og eit kjekt avbrekk frå køyringa var det og!

Universal Studios

2010-07-18T19:53:00.003+02:00

Dei to heile dagane vi hadde i Los Angeles var korte og intense. Dag 1 vart brukt i Universal Studios, og dag 2 vart brukt i fornøyelsesparken Six Flags.

I Universal har dei bygd ei virtuell rollercoaster basert på TV-serien The Simpsons, til Hans Jakob si store glede. Køa skulle ta omlag 15 minutt, men sidan vi var eit "party of two" gjekk det heile mykje fortare til mi si store bekymring. Utan høve til å sjå for meg svingane og dumpane vi skulle forsere snudde eg i døra (eg har jo aldri tatt berg- og dalbane før, og dette vart litt for skummelt for den av oss med motionsickness).

Hans Jakob derimot kom smilande ut, etter ein kjekk tur i Springfield. På utsida hadde eg lokalisert høgdepunkt nr. 2. Hans Jakob fekk endeleg møte sin store helt live.

Etter dette tok vi turen rundt om på dei ulike attraksjonane, før vi avslutta dagen på 3D-kinoen Despicable Me. Den kjem til Noreg i oktober! Absolutt verdt eit besøk (og Solveig, du liknar særs mykje på den eine vesle jenta som er med i filmen). Ekstra gøy var det å bestille stor popcornmeny. Tippar vi fekk ca 2 l brus kvar, og nok popkorn til heile filmen! Nok ein gong; I like to be in America.

Dag 2 var vi som sagt i Six Flags. Her fekk eg høve til å gjere opp att for fadesen med The Simpsons Ride. Heile fire berg- og dalbaner vart forsert, heilt utan oppkast og nesten utan å verte svimmel. Det er ny personleg rekord! Hans Jakob sitt største adrenalinkick denne dagen var då han i køa til ei berg- og dalbane måtte tilby sine medisinske tenester, då ei jente framfor han besvimte. Elles gjorde han ein god jobb som beroligande middel og!

MGM Grand

2010-07-16T08:23:00.003+02:00

På veg tilbake frå Grand Canyon til Los Angeles hadde vi eit stopp i Las Vegas.. Det vert jo aldri nok Las Vegas! Vi budde på MGM Grand denne natta, rommet var så kult at det måtte forevigast.

Kult med TV i speglet, spegl i heile rommet og lys ein kunne skru på kun med eit "tapp" med fingeren :) Og ikkje minst, det beste sengetøyet til no.. Deilig med sengetøy heile vegen rundt, og ikkje ekle fleece eller bomullstepper..

Grand Canyon

2010-07-14T07:15:00.002+02:00

Dagane flyg av garde og vi er nok ein gong litt på etterskot med blogginga.. Her kjem ei oppdatering frå helga i Grand Canyon.

Laurdagen gjekk vi langs sørenden av kløfta. Dette var ein tur på ca ei mil, på til dels asfalterte "stiar" med god utsikt. Vi kunne velje om vi ville ta buss eine eller andre vegen, langs ruta vart vi heile tida minna på kor langt vi hadde att, og det heile var i stor grad turistifisert med til dømes store moglegheiter for å trille din eigen trillekoffert med på turen. Hiking altså!

Til og med dyra langs vegen var så van med folk at dei poserte ivrig. Denne vesle krabaten her hoppa omtrent opp i fanget på Hans Jakob.

Og sist, men ikkje minst. Delar av "stien" kunne ein sykle, og med slike fareskilt skulle det heile vere ei ganske så trygg oppleving. Det må seiast at det verken var særleg svingete, bratt eller store behov for å ta det rolig. Vi angra på at vi ikkje tok med longboarda. Det hadde vore noko det!

Finn Vegars sang

2010-07-13T06:51:00.002+02:00

Mel: Jeg er havren

Du er særs nødvendig å ha med,
er heller aldri vanskelig å be.
På dashbordet du står så fint og flott.
Å køyre bil med deg, det er heilt rått.

Vi trykkar litt på skjermen når vi vil,
finne ut kor det er vi skal til.
Med stemma di du seier klart i frå,
kor du vil at bilen vår skal gå.

Du har mange fargerike kart,
blinkar klart når vi har for stor fart.
Visar oss kor vi kan få litt mat,
held oss alltid med koselig prat.

Left lane, right lane, ramp or straight ahead,
caluculating, redirecting mad.
Heilt utruleg at vi køyrer feil,
vi er treig, det er du som har peil.

Takk at du vil vere med på tur,
førar til at vi blir mindre sur.
Neste år vi håpar at du vil,
bli med oss på enda ein tur til.

Vesle Noreg

2010-07-11T08:37:00.002+02:00

Vegen til Grand Canyon bestod for det meste av trådrette vegar og endelause slettelandskap. Ei rein transportetappe eigentleg. Kjølebagen baud på forfriskande drikke, og etterkvart vart behovet for eit toalett prekært. Med omlag 90 km mellom kvar westernfilmliknande småby, var lettelsen stor då vi såg at det berre var 20 km igjen til Seligman. Ein så lite sjarmerande stad at vi køyrte rett gjennom sentrum. Men behovet for toalett var framleis tilstade, og like før vi måtte svinge ut på interstaten att dukka eit motell opp. I det vi svingar inn oppkøyrselen ser eg at det er "norwegian owned". På døra til kontoret står det at eigaren er å finne i restauranten.

Vi går over tunet og skiltet på døra gjev klar beskjed om at "If you are in a hurry, this is not the place for you". Sjølv om vi eigentleg berre er ein time unna Williams der vi skal overnatte, og eigentleg er veldig klare for å komme oss vidare, er behovet for toalett så stort at vi likevel går inn. Der møter vi eigaren, ei lita gråhåra snasa dame frå Eidsvoll, som heiter Anne Lise. Ho overtalar oss til å bestille ein pizza, og medan vi sit og ventar kjem ho viftande med ein nøkkel og ber oss om å ta ein titt på rom nr. 130. Ho vil gjerne at vi skal sjå nærare på rommet og seie kva vi meinar. Allereie før vi stig inn i rommet luktar det trøbbel. På døra vert vi møtt av ei barmfager krysning mellom Dolly Parton og Synnøve Finden. Inne på rommet er veggane spekka med nasjonalromantiske motiv frå golv til tak. Det renn nok ikkje over av nordmenn i den vesle byen omlag 25 norske mil frå Las Vegas. Men om ein stakkar Ola Nordmann, med nikkers og brunostskive i ryggsekken, skulle forville seg inn i denne småbyen, og vidare ta inn på byens mest nedslitte motell, skal han ikkje vere redd for å få heimlengsel.

Vel tilbake i restauranten ventar pizzaen som me nyt i selskap av tre eldre ektepar med solbleika trailercaps, bukseselar og laustenner. Dei har truleg til vane å sitte slik med pizzaen mellom seg og merksemda retta mot tabbetvprogrammet på veggen. Vi ler og et om kvarandre.

Julius som alle vil se

2010-07-10T09:32:00.004+02:00

Siste natta i Las Vegas bytta vi hotell frå Stratosphere i nordenden av stripa, til Caesars Palace som ligg midt i smørauget. Med sjampo og balsam av oliven, skopussetørkle og sysaker på servantkanten, og greske gudar både her og der vart dette ein smak av antikken.

Sidan vi skulle reise vidare tidleg neste morgon hadde eg lagt eit stramt program for opphaldet. Buffeten slo desverre enkelte av turfølget ut, og han sovna som eit barn kl elleve etter ein kvil på senga. "Du veit det Elisabeth, her blir det billegare til meir du et!" Et alt du vil-buffetar og pengeknipne sunnmøringar er ein dårleg kombinasjon.

Mobilen ringte likevel kl 0750 i dag tidleg. For då var eg klar for å ta turen til hagen til gudane for å prøve badetemperaturen. Slettes ikkje verst med ekstra godt oppvarma basseng. Det vart berre nokre korte timar i hagen før vi sette kursen mot Grand Canyon, men det var absolutt verdt det!

33 over par

2010-07-10T09:10:00.003+02:00

Me hev brukt dei to siste dagane til å svinge med køllene. Onsdag gjekk me 9 hol og torsdag 18 hol på Eagle Crest Golf Course. Det er ei oase av ei golfbane som ligg i eit finare bustadområde rett vest for Las Vegas. At bustadområdet hev sin eigen diamantbutikk sei vel det meste. Me fekk gå uforstyrra mellom parkettjamne "greenar" og harebebudde "fairwayar" i ettermiddagssola. Og kan ikkje skulde omstendene for våre 33 over par i snitt. Sjølv om enkelte meinte ho burde få trekke i frå nokre slag på grunn av 42 varme i skuggen. At dei slepp til to grønnskollingar utan grønt kort, og med alt anna enn anstendig golfcouture er i beste fall vennligsinna gjort.

Onsdag

Torsdag

2010-07-09T22:20:00.002+02:00

No sit vi på Starbucks på veg til Grand Canyon. Det betyr at våre 8 dagar i Las Vegas er over for denne gong. Men vi ligg litt etter med blogginga, på grunn av dårleg internettilgang. Difor kjem denne bloggposten litt på etterskot.

I dag har vi nytta oss av alt det Vegas har å tilby ei prestedatter og eit misjonærbarn, med dei begrensningane det inneber.
Først late timar ved bassenget med bok og radioresepsjonen på ipoden.

Deretter nok ein tur til eit outlet mall. Dette landet kan verkeleg sjopping!

Vel tilbake på hotellet tok vi ein tur i arcaden der Hans Jakob fekk køyrt motorsykkelspel og eg fekk vinne bilettar til å lime inn i USA-albumen :)

Hotellet vi bur på har eit stort utkikkstårn med amusement park på toppen. Vi nøgde oss med å sjå på utsikta og høyre på kvina frå dei som tippa utfor kanten på tårnet. Vi er visst litt pysete.

Kvelden vart avslutta med nokre doughnuts og eit eple på stang glasert med caramel, white, milk and dark chocolate. Vi greidde ikkje ete opp nokon av delane..

What happens in Vegas, stays in Vegas..

2010-07-06T06:19:00.002+02:00

Framleis sparsommeleg med internett her, men Starbucks reddar oss nok ein gong. I tillegg gir det Hans Jakob litt betre samvit til å kjøpe sin sedvanlege kvitsjokolademocca.

Tida i Vegas til no har stort sett gått med til avslapping og solslikking ved bassenget, handling (surprise surprise), og svært lite gambling. Vi har nemleg funne ut at vi syns det er kjekkare å vere på arcade'n (leikerom for borna med diverse tvspel og kroneautomatar) enn i casinoet der dei vaksne leikar.

I går var det storstilt feiring av Independence Day (merkedagen, ikkje filmen). Vi nytta høvet til å ta Stripa nærare i augesyn, og fekk med oss eit storstilt fyrverkerishow med nasjonalsongen og God Bless America, det heile tårevått framført med utallige modulasjonar.

Vi er framleis litt usikre på kva vi skal gjere etter veka vår her i Vegas. Men foreløpig har vi to alternativ, enten camping i Grand Canyon eller ein tur tilbake til San Diego. Vi er nemleg framleis svoltne på surfing.

Elisabeth nyt noko av det amerikanerane er best på.

Las Vegas live

2010-07-03T01:03:00.002+02:00

To innlegg frå i går og dagen før den er nettopp publisert. Vi har ikkje internettilgang på hotellet no så det er litt uvisst kor ofte det vert oppdateringar framover. Vi har det berre bra! Det er rundt 40 grader ute, noko som er varmt og godt. Eg bloggar medan Hans Jakob står i kø på Starbucks. Håper alle har det bra heime og! Planen er å verte her i Vegas i ei veke framover, og så får vi sjå kva som skjer etter det.. Klem frå oss

San Diego - Las Vegas

2010-07-03T01:01:00.004+02:00

I dag har vi hatt vår første test på roadtripkondisen. Første etappe i bilen er unnagjort og det gjekk greitt. Vegen var lagt innom eit outlet mall midt i ørkenen. Det er bra vi deler den felles interessa for sjopping! Vi gjer stadig vekk kjekke kupp, som i dag då Hans Jakob fekk seg nye conversesko til 7 USD. Med andre ord omlag 49 NOK med ein litt høg kurs!

Turen vidare gjekk gjennom ørkenen og det har vi fått kjenne på kroppen. Etter eit par timar i bilen var temperaturen ute gått opp om lag 15 grader, og det var ein varm vegg som slo mot oss då vi kom ut. Det er deilig med varmt ver! Ørkenen var flott å sjå på med spanande fjellformasjonar, knall blå himmel, mykje grus, saltsjøar og dårlege vegar.

Vel framme har vi flytta inn på hotellrommet. Utforskinga av Las Vegas får vi ta i morgon, no er eg klar for å sove. Igjen.

Surfin' in the USA

2010-07-03T00:50:00.004+02:00

Siste dagen i San Diego var via til alt vi måtte rekke før vi skulle reise vidare. Kort oppsummert rakk vi formiddagsgolf, ettermiddagssurfing og kveldssprell i parken.

På golfbana gjorde underteikna store framskritt og forbetra seg med 19 slag frå førre gong. Det var akkurat nok til å slå Hans Jakob med eit slag. Særs nøgd med det! Golf har vorte ein hit hos juniorekteparet Hunnes no, og det er nok fare for at det vert meir golfing i løpet av ferien.

Etter golfinga venta nistemat i kjølebagen og kursen vart sett mot Mission Beach. Med eitt surfebrett på deling fekk vi tid til både pauser og bilettaking. Vi har nok feilberekna tidspunktet for oppholdet i San Diego, for sola er fråværande på grunn av ”June Gloom”. Dette er ei periode i slutten av juni då havet vert raskt oppvarma, noko som fører til lavt skydekke ved kysten. Det freista difor lite å sole seg på stranda, så etter endt surfeøkt reiste vi vidare.

Hans Jakob har vore oppteken av at eg måtte få oppleve parklvet i San Diego. Eg kan forstå kvifor. I parken vi reiste til var det full aktivitet med joggegrupper, dansetimar, løkkefotball, grasvolleyball og grilling. Vi blenda greitt inn med amerikansk fotball og frisbee. Kjekt!

Longing for a long life

2010-06-30T09:50:00.007+02:00

Dagane startar tidleg for (delar av) ekteparet Hunnes på tur. "Solan" sprett opp omkring kl 07.00 og hoppar i dusjen etter at ho har sett på TV'en. Denne står som regel på ESPN, noko som resulterar i at "Ludvigen" stikk nasen fram frå teppedyna når sendinga frå fotball-VM startar kl 07.30. Så er det frukost på senga medan dagsplanen forhandlast fram og skrivast ned. Deretter labbar "Ludvig" i dusjen medan "Solan" lagar niste og fyllar kjølebagen med drikke. "Ludvig", som omsider er ferdig med dusj og deiling framfor spegelen, plottar inn den no reviderte dagsplanen på GPS'en og dei er klare for avgang kl 09.30.

I dag gjekk turen til Misson Bay og surfetimar. Der fekk me nokre timar i vatnet med instruksjon av ein triveleg kar som heitte Brendon. Det gjekk såpass bra at me satsar på sjølvstudium i morgon.

Etterpå reiste me til ei skate-sjappe langt ute i ingenmannsland for at underteiknande skulle få seg nytt longboard. Etter å ha overprøvd GPS'en fleire gongar gjekk me til slutt inn i det som skulle vere den oppgitte adressa, men som såg meir ut som kulissane i "The Office" enn ein skatebutikk. Der sto det ein triveleg type og monterte longboard. Han sa han hadde det litt travelt, men at eg kunne få eit brett same dagen om eg kunne sette saman brettet sjølv. Berre gjer det eg gjer sa han utan å introdusere seg eller spørre kven eg var. Så der stod eg plutseleg, i eit kontorlokale ein stad lang utanfor San Diego med ein fyr eg ikkje ante kven var og monterte longboard. Elisabeth sendte han ut for å "entertain'e seg sjølv" med eit longboard. Det heile vart ei svært triveleg og lærerik affere, som enda med at eg fekk meg eit nytt og sjølvlaga longboard av typen Loaded Dervish.

Vel heime vart det ein tur på treningssenteret før eg sette meg ned for å oppdatere bloggen og morgonfuglen fann senga og sovna så lang som ho var. Nett i sta snudde ho litt på seg, smilte og mumla "aha!" og så sov ho vidare. Kva den lyse idèen var får me nok aldri vite, men ein ting er sikkert: Hon är så söt när hon sover...

Nøgd

2010-06-29T08:57:00.001+02:00

Så nøgd med den nye vinterjakka mi at eg berre måtte vise den fram..

Ei veke har gått

2010-06-29T07:33:00.002+02:00

I dag er det mandag, og det vil seie at det er ei veke sidan vi landa i New York. Tida går fort. Til no har det gått mest i sightseeing og sjopping, så i dag var det på tide med litt aktivitet. Dagen starta for min sin del på treningssenteret på hotellet. Der fekk eg prøve ein litt annan standard enn på treningssenteret til NTNU. Her var det handklede til utlån, apparat så langt auge kunne rekke og høgdepunktet, TV som eg kunne kople høyretelefonane på! Det finst visst slik i Noreg og etter det eg har høyrt, og eg gler meg til eg kan verte voksen å trene der :) TV gir mykje motivasjon!

Etter dette køyrte vi til Mission Bay Public Golf Course, og der fekk Hans Jakob prøvd ut sine virtuelle erfaringar etter timar med golfspeling saman med Tiger Woods på X-boksen vår heime. Dessverre var han nok ikkje like god live som i X-boks-spelet, men likevel god nok til å slå meg :)

Då vi skulle til å ta bilete av golfsvingen, oppdaga vi at minnekortet satt igjen i datamaskina. Difor vert det dårleg med bilete i dag.

Etter ni hol på golfbana sette vi kursen mot to ulike scrapbookbutikkar, noko eg har gleda meg til lenge! Butikkane gjekk Panduro ein høg gang og eg har fått kjøpt meg mykje kjekt til scrapbookinga! Meir oppdatering for spesielt interesserte lesarar (les: Lina og Marianne) kjem på eglagar.

I morgon er planen å surfe. Vi håpar på sol. Det har det vore dårleg med til no.

Mission Beach

2010-06-28T09:59:00.004+02:00

I dag hev me traska omkring i Mission Bay-området i San Diego. Her er det store parkområder, offwhite-kvite strender og små surfesjapper som formeleg renn over av solbrune surfe-dude'ar med hempsmykker og sandalar. Me freister å ta til å oss av den tilbakelente sandal-livsstilen, men likar førebels tilbakeleninga betre enn sandalane. Etter nokre km i flipp-floppar hadde huda mellom storetåa og peiketåa til underteiknande fått meir enn nok..

Resten av dagen gjekk med til sjopping (på sjølvaste kviledagen) og booking av surfetimar. Det vert på tysdag, så i morgon (måndag) tenkjer me å slå i hel ventetida med eit slag golf eller to. Jammen er det godt å vere kapitalistturist!

Rask matprat

2010-06-28T09:32:00.003+02:00

Me var ein tur innom T.G.I. Friday's (tilsvarande Egon i Noreg) for å ete ein sein lunch i dag. På menyane der står det oppgitt kor mange kilokaloriar som gøymer seg i kvar rett.. Hjelpe meg! Ein anbefalt 3-retters hadde til dømes: nachos-tallerken til forret, biff til hovudrett, iskrem med ostekake til dessert og, hald deg fast, 4400 Kcal energi til køyreturen heim!

Matprat

2010-06-27T08:15:00.003+02:00

Fleire har kommentert matpratet vårt. Dagen i dag avslutta vi på ein butikk som overgår Meny og Ultra på alle moglege måtar. Utvalet innanfor kjernesunn mat er fantastisk. Frukt og grønsaker er stabla i radrette pyramider. Det er ferskvarediskar kvar enn ein snur seg. Og ein kan kjøpe varm middag, salat og meire til i lausvekt. Besøket resulterte i SUNN takeaway-middag til Elisabeth, herleg Tropicana appelsin, mango og fersken-juice, grønsaker til sandwichane våre og tilslutt litt av ein herleg organisk is. Vi er Whole Foods-frelst!

Før dette butikkbesøket var vi på Las Americas outlet mall og sjoppa litt meir! Kjøpesenteret ligg heilt på grensa til Mexico, faktisk så nærme at til og med kan kalle det eit steinkast unna. Det tek berre tjue minutt å køyre dit, så San Diego ligg faktisk ganske nærme grensa. Det merkar vi og på at omtrent alle snakkar spansk her, i tillegg til at det på mest alle radiokanalar vert spelt latin-amerikansk musikk. Skuldrane mine har senka seg betrakteleg som passasjer i doningen, så no kan eg både høyre på musikk og vere GPS-assistent samstundes. Eg ser derimot mørkt på benisinforbruket sidan vi allereie har brukt ein 1/4 tank. Dessuten har Hans Jakob oppdaga ein sportsfunksjon som gjer at bilen kan køyre enda fortare og sluke enda meir bensin. Jaja.

Nett no ligg Hans Jakob i senga og sovnar til ESPN (sportskanalen), medan eg sit og bloggar. Det er kjekt at så mange følgar oss på bloggen. Det gjev motivasjon til å halde fram med daglege oppdateringar! Vi har forresten ny dagsrekord i besøkande på bloggen i dag! 86 stk har vore innom! Stas!

Å hjul med din glede

2010-06-26T17:48:00.005+02:00

Vi hadde i utgangspunktet bestilt ein midsize-SUV til dei dagane me skal tilbringe på hjul i California/Nevada. Meeeen når me kom til Alamo fekk eg på ein eller annan måte formidla til kona og dama bak disken at me kanskje burde oppgradere litt sidan me trass alt skulle vere heile 27 dagar på road trip. Ooooog når me først oppgraderar, kan me kanskje gjere det skikkeleg? Det heile enda opp med ein bil i klassa luxury-SUV av typen Cadillac SRX. Ganske overraskande var "the selling point" for Elisabeth at bilen hadde ein skjerm til å trekke over bagasjen i bagasjerommet. 'Ja, det er veeeeldig viktig!' poengterte den snartenkte ektemannen. Luksus-lettveltabil vart det.

Gårsdagen gjekk med til å finne ut av alle dei artige løysingane bilfabrikkanten hev for at amerikanske luksusdyr ikkje skal trenge løfte meir enn ein finger.

Handbrekket er elektrisk og opereast vha ein knapp på dæsjbordet.
Dørene låsar seg automatisk når du set bilen i "drive".
Det er tilstrekkeleg at nøkkelen ligg i bilen for at den kan startast med startknappen på dæsjbordet.
Soltaket (som forøvrig går heile vegen bak til bagasjerommet) er sjølvsagt elektrisk og blendast automatisk vha ein sensor i glaset.
Bagasjeromsdøra opnast (og lukkast!) med ein knapp på nøkkelen.
Bilen stoggar om den trur du skulle til å rygge på noko.
Dei elektriske skinnseta kan regulerast i 18 ulike retningar. Noko Elisabeth veit å gjere god nytte av.

Bilen går så det susar og slukar nok nokre kvadratmeter regnskog på mila. Jammen godt me brettar og stappar mjølkekartongar heime..

Sjopping

2010-06-26T08:20:00.004+02:00

Dagen i dag starta med fotballkamp kl 0700. Hans Jakob får verkeleg prøvd seg på å sjå fotball til alle døgnets tider no, og eg tykkjer at kamp kl 0700 er mykje betre enn kl 1000. Då får vi mykje ut av dagen!

Og det vil eg seie at vi har fått i dag. Med høg fart (puls) har vi (eg) køyrt (vore passasjer) i bilen. Og med GPS er det ingen sak og navigere. Eg er glad eg slepp å vere kartlesar. GPSen førte oss direkte til Wal*Mart der vi gjorde store innkjøp til ein billeg penge! No har vi fryseboks i bilen som til ei kvar tid skal vere full av god drikke, pålegg og snop. Vi har og fått nye og billege toalettsaker, og vi hadde stadig vekk problem med å velge mellom alle smakane, luktene og storleikane på t.d. sjampo, barberskum, tannkrem osb.

Etter Wal*Mart reiste vi til to ulike Ross-butikkar, ein Marshalls og aller sist til Las Americas outlet-kjøpesenter. På desse butikkane var målet å finne klede til ferien. Det gjorde vi! Sjå berre her!

PS1: Hans Jakob lovar å komme sterkare tilbake med blogginnlegg om bilen i morgon!
PS2: Om du trykkar på bildemontasjane vi legg ut vert dei større!
PS3: Vi har ete heimelaga sandwich med kalkunskinke, ost og sennep. Snop type Starburst og Twisslers. Vatn med smak, jordbær-fanta og Dr. Pepper. Og sjølvsagt hamburgar frå MacDonalds.

Framme i San Diego

2010-06-25T08:13:00.002+02:00

Berre ei kort og bildelaus oppdatering i dag. Hev kome oss til San Diego etter ein SKUMMEL flytur frå NYC. Rett etter take-off la piloten brått om kursen og svinga ein heil del gongar fram og tilbake. Det heile virka veldig lite føremålstenleg. Brått kom me inn i eit område med kjempeturbulens og flyet droppa over 200 meter. Skikkeleg magedrag! Etterpå kunne piloten fortelje at det hadde kome eit fly inn til NYC utan radiokontakt og at alle andre fly difor brått hadde vorte sendt bort ifrå luftrommet over Manhattan. For vår del betydde det at me kom inn på ein kurs med litt meir turbulens enn det to turtelduer med eit ynskje om eit longt liv sette pris på.

Men i San Diego venta det ei gledeleg overrasking for dei (den) bilglade av oss. Meir om det i morgon..

USA 2010 - New York dag 2

2010-06-24T06:30:00.007+02:00

Rollene er bytta om. Hans Jakob står i dag for illustrasjonane, og eg skal prøve meg på å gi nokre utfyllande kommentarar.

Gårsdagen i går gav oss eit visst overblikk over byen og alt vi (les Elisabeth) skulle rekke i dag. Så medan Hans Jakob såg på TV i går kveld, nytta eg høvet til å lage eit stramt program for dagen i dag.

Morgontur på Brooklyn Bridge med utsikt mot Manhattan skyline inkludert stor fare for å verte påkøyrd av hissige syklistar, gjorde godt før frukost og fotball-VM på hotellrommet. Dama på bakeriet der vi kjøpte bagels i går kjente oss att i dag. Så i morgon kan vi seie "det vanlege" når vi skal bestille. Så lett er det å verte stamkundar.

Første stopp var FN-bygninga. Der kunne vi ha gått på guida tour, men sidan vi ikkje fekk gå for oss sjølv, og i staden for måtte følgje ein guide i over ein time, nøgde vi oss med gratisutsillinga frå Haiti. Den brukte vi etter mi meining akkurat passe lang tid på. Viktig og halde seg til skjema!

Frå arbeid for fred i verda og tragedie på Haiti hos FN gjekk vi mot Times Square, 5th avenue og Madison avenue for litt påfyll av alt vi nyt godt av i den vestlege verda. Til dømes kunne vi få M&Ms i alle moglege fargar og også som alt mogleg anna i deira concept store. Eigentleg utruleg at nokon kan vere interessert i å kjøpe dobbelt sengesett inkludert sengeteppe med M&Ms-mønster?!

Etter å ha vindaugskika hos blant anna Abercrombie & Fitch (du hadde rett i at dei verkeleg var kjekke dei som jobba der, Solveig), Prada, Gucci, Louis Vuitton, Calvin Klein og DKNY var det behov for å fylle tomme magar med noko av det New York har å by på. Pretzle har stått høgt på ønskelista mi over ting å ete i NY og innfridde absolutt ikkje til forventningane. Det gjorde derimot jordbæra med whipped cream som vi fekk gratis på eit gatehjørne. Vi har elles ete dette i dag:

- pretzle før frukost
- bagels og peanøttsmør til frukost saman med mango madness snapple og vitamin water
- after eight og twisslers saman med VM-kampen
- subway (igjen) til lunsj
- iskaffe frå starbucks
- cheeseburger og cola frå macern
- M&Ms gjennom heile dagen

Etter intens leiting etter eit museum vi aldri fant tok vi i staden for turen opp i Rockandrollefeller center med god utsikt over byen. Og det var vel verdt turen. Kjekt å sjå kor stor byen faktisk er, og ganske rart å vere så høgt oppe. Vi måtte og sjølvsagt dytte og plukke litt på Empire State Building, som vi likar å gjere med store sjåverdigheiter.

Dagen avslutta vi på Broadway med West Side Story. Hans Jakob har ved hjelp av meg nok ein gong utvida sine horisontar og syns faktisk det var kjekt å sjå folk synge og danse i opptil fleire timar! Eg er nøgd med eigen overtalingsinnsats og kunne difor kose meg med alle sangane som eg kunne synge med på (inni meg).

I morgon set vi kursen mot San Diego. Vi er klare for California!

PS: Kommentarane vart visst meir enn nok utfyllande.

USA 2010 - New York

2010-06-23T02:35:00.001+02:00

Illustrations by Elisabeth Hunnes
Words by Hans Jakob Hunnes

I skrivande stund sit underteiknande og ser på vm-høgdepunkt med klønete amerikanske kommentarar. At Donovan er "just as good, if not better than Messi" er vel, i beste høve, for naiv patriotisme å rekne.

Turen over dammen gjekk knirkefritt, forutan då ein passasjer tre rader framfor oss synkoperte i midtgangen. To gonger. Elisabeth sov og eg naut godt av det utmerka underhaldningstilbodet BA etter kvart hev fått snekra saman. Trur de ikkje dei hev "The Simpsons" i USA òg?

NYC dag 1

I dag hev vi rett og slett stort sett sett oss omkring i eplebyen. Me bur i Chinatown og vakna difor til lukta av krabbeklo, fiskeslo og utedo. Dagen starta med frukost på subway, kaffi på starbucks før me ordna nokre småting som GPS til leigebilen og kontantkort-mobiltelefonar på J&R. Deretter sightsåg me oss litt rundt downtown før me tok gratisferga til Staten Island. Nydeleg utsikt til "skylinen" av NY, fridomsgudinna og Ellis Island. Dårleg med kaffi og sveler..

Me avrunda dagen med sjåpping og måping på 5th avenue og Times square. Og eg som syns Freia-skiltet på Egertorget var stasleg.

Maten me hev ete i dag:

- After eight (tax-free restar)
- 2 stk subways
- 2 stk 1/4-pounder - meny hjåRonald McDonald
- Twislers (raud lakris)
- Bagels x3
- Cola
- Iste
- Kaffi x 2
- Dougnut x 2
- Frappuccino

Kan nesten kjenne kor det tettnar i blodårene her eg sit og skriv.

Frisbeepiknik

2010-06-07T00:43:00.002+02:00

Fredag var vår første heilt offisielle feriedag saman. Det markerte vi med eit slag frisbeegolf saman med Bendik, som og hadde sin første offisielle feriedag. Frisbeegolfbana på Lade har 9 hol som ein kan gå på to ulike måtar, og då vert det 18 hol til saman :) Vi tok same 9-hols-runde to gongar. Og for underteikna, vart det ny personleg rekord med 43 kast på 9 hol. Det skal seiast at banerekorden er 26 i følge ei klubbside på internett. Så då.. Eg har litt å øve på, men det skortar i alle høve ikkje på konsentrasjonen. Berre sjå biletet under..

Bendik og er konsentrert. Han debuterte innan frisbeegolf denne dagen, og gjorde det slettes ikkje verst.

Men han kasta utanfor bana, og då må litt gjerdeforsering til. Sidan gjerda har piggtråd på toppen valde Bendik vegen under gjerdet.

Eg klarte og å kaste utanfor. Berre sjå, eg er heilt på andre sida av gjerdet.

Hans Jakob og eg hadde pakka piknikkorg med juice, baguettar, jordbær og vassmelon.

Det var stort sett Hans Jakob som stod for bilettakinga. Men her har eg fanga han i ein augneblink der han høgst truleg fortel noko med stor innleving.

Og så til slutt eit blinkskot. Om eg kan få seie det sjølv :)

God ny veke til alle saman! Her går dagane i eitt, fordi det er ferie.

Glade maidagar

2010-05-25T18:17:00.003+02:00

Det er framleis kjekt med mai, sjølv om juni nærmar seg faretruande. Med juni kjem ferie, forhåpentleg varmt vér, bryllaup og USA. Alle ting vi ser fram til og gler oss til :) Men livet er no, og eg kosar meg her og no. Berre sjå..

1. pinsedag var det tid for å lufte turnsokkane att. Det er framleis litt kaldt i sanda, og dei gjer nytta mot kulde, spisse steinar og glasbrot! :) Turnsokkar er tingen.

Saman med Nina, Gudrun og Stine vart det nokre kjekke timar i Dødens dal.

Gudrun kosar seg i sanda, og Nina smashar seg inn til å verte queen of the beach.

Kjekk dag med kjekke folk :)

Marianne-besøk

2010-05-22T21:20:00.004+02:00

Forlover Marianne har vore på besøk og vitja meg sidan onsdag. Og det har vore kjempekjekt!
Torsdag grilla vi i bakgården saman med Nathalie. Og seinare på kvelden kom og Sigrun for å spele A til Å.

Fredag avspaserte eg frå jobb, og det passa bra sidan det var sol og veldig varmt! Marianne lærte å stå på longboard. Og ho var eit naturtalent. Så sidan ho var så flink tok vi turen til byen på bretta og stoppa innom solsiden for å ete is.

Då vi kom heim att vart det scrapping og settlers i sola i bakgården.

Det har vore herleg å ha deg på besøk Marianne! Du lyser opp i kvardagen!

Eksamenstid..

2010-05-08T19:05:00.003+02:00

Nett no er det eksamenstid.. Det er eksamenstid for mange, men ikkje for meg!
Sidan eg jobbar denne våren kan eg nyte den til å gjere mange andre kjekke ting, og eg tenkte at denne gleda kunne eg dele med dykk!

Så medan Hans Jakob les og les, gjer eg ting som dette..

Eg et sein konefrukost som Hans Jakob har laga til meg før han går på skulen.

Eg scrappar bryllaupsalbum og slepp ryddinga. Sidan Hans Jakob ikkje er nok heime til å merke at det er rotete..

Eg har supergod tid om ettermiddagane, noko som gjer at eg kan longe heim frå jobb på Heimdal. Fem km nedoverbakke + fire km flate er ikkje å forakte!

I dag har eg turorientert i marka på Trolla. Det var skikkeleg kjekt, og eg såg mange rare ting på min veg.

Eg såg blant anna åtte slike o-flagg.

Eg fann og ei diger maurtue, der alle maurane gjekk oppå kvarandre på toppen av tua.

Eg såg og dette svært forfalne småbruket. Og eg har tydelegvis lest for mykje krim i det siste, for heile tida medan eg tok bileter på tunet, venta eg at ein gal mann skulle kome ut av huset og angripe meg. Heldigvis var der ingen gal mann.

Og no ventar eg berre på at sola skal kome og vere her ei stund, slik at ettermiddagane neste veke kan brukast på beachbana. Så om du treng ei pause frå eksamenslesinga, eller berre har fri slik som meg, er du hjerteleg velkomen til å vere med på mine sprell! Eg elskar eksamenstid utan eksamen!

Reklame

2010-03-18T22:47:00.003+01:00

Eg trur nesten eg må drive litt reklame på bloggen. Heidi, storesøstra mi, har starta eit firma som heiter Intempo som driv med leseopplæring for barn frå 3 mnd og oppover. Og 2. juni skal ho ha kurs for foreldre som har lyst å lære barnet sitt å lese her i Trondheim! Ho har og kurs andre stadar i Noreg. Så sjekk ut linken ovanfor om du har lyst å lære språkleiken Bravo, eller kjenner nokon som kunne hatt lyst til å lære leiken! Det funkar! :)

Volleyballtreff 2010

2010-03-15T21:25:00.002+01:00

Eit av årets høgdepunkt er over.. Volleyballtreffet 2010 var denne helga på Sagavoll FHS. Nok eit kjempekjekt treff med full innsats på volleyballbana. Sidan det opphavlege a-laget var noko amputert med berre to deltakarar, redda kremen av b-laget oss! :) Vi har hatt ei kjempehelg i ei kjempekjekk pulje med fire innleiande kampar som vi vant. Semifinala vart spelt kl 0700 søndag morgon, og då haldt vi ikkje tritt med fjorårets kull som tok sigeren. Likevel må vi seie oss svært nøgde med eigen innsats, og neste år. Då..

Merethe, Tone, Ingeborg, Silje, eg og Randi.

Herleg gjeng!

Du veit du er gift når..

2010-03-08T17:07:00.001+01:00

Ideen om partiell ansiktsbehåring apellerar til deg..

Facebook

2010-03-07T22:14:00.003+01:00

Då er alle medlemmane av familien Hunnes jr. på facebook. Det tok siste medlem ca tre år. Kan ein då seie at verda går framover? Eller er det nettopp det den ikkje gjer? Uansett. Ei barriere er brote.

Pausefyll

2010-02-09T21:15:00.003+01:00

Dagane er framleis fylde med arbeid på meg og skule for Hans Jakob. Noko dagane i like stor grad ikkje er fylde med er desse bøkene. Og det er godt!

I staden for kosar eg meg med pausefyll som Øya av Victoria Hislop, Evas døtre av Lynn Austin, Lyden av shofar av Francine Rivers, og triologien Lerkehjerter, Vildresinn og Alvemål av Margaret Skjelbred. For tur står no Huset ved moskeen av Kader Abdolah. Det er så kjekt å finne att lesegleda. Den vart borte ein gong midt i all pensumlesinga, men no kosar eg meg på bussen til og frå jobb og heime på sofaen med ei god bok og eit varmt pledd! Det anbefalast! Og spesielt anbefalar eg og tilbringe tida saman med Evas døtre av Lynn Austin!

Alt er relativt

2010-02-04T23:42:00.004+01:00

Kva seier det eigentleg om livet mitt, når dagens høgdepunkt er å sovne med ein nokonogførtiårgamal, ikterisk, halvfeit amerikansk mann i senga?

Når skuledagen går i eitt ifrå 07.30 til 17.30 og nattevakta byrjar kl 18.00, mobilen (og med den høve til å snakke med kona) ligg att i frakken på sjukehuset, siste pasient er sendt i seng, alle lys sløkte, og eg hev krølla meg saman på søvnlaben sin samanleggbare sovesofa, vel vitande om at skuledagen igjen ventar seks søvnlause timar seinare, ja då er sanneleg ei episode Simpsons med Homer i hovudrolla dagens vesle høgdepunkt.

I 22 minutt kan eg gøyme meg bort i ei verd der ein mann som må ringe opplysninga for å få nummeret til 911, også kan vere deltidsastronaut, tryggleiksinspektør for eit atomkraftverk og superhelten "pai-mannen" på nattestid.

Det er rett og slett eit herleg avbrot i ein elles (for tida) litt for travel kvardag.
Nokre vil kanskje sverje til lyrikk, meditasjon eller "lyden av inkje" som avkopling når kvelden grip natta i halen. For meg gjer denne karen susen:

Sitat ifrå dagens episode:

"Marge, don't discourage the boy! Weaseling out of things is important to learn. It's what separates us from the animals! Except the weasel" -HS

Kjekkens kar

2010-01-28T22:18:00.004+01:00

I dag har denne kjekke karen fylt 24 år! Koseleg bursdagsfrukost med nypressa appelsinjuice er alltid ein hit! Kjekke meldingar og telefonar har han og fått heile dagen, i tillegg til mange kjekke bursdagsgåver! Gratulerer med dagen, bestevenn!

Så kjekt er det å verte 24 år!

Vi gratulerer, vi gratulerer,
med dagen som Herren deg gav!
Vi gratulerer, vi gratulerer,
og ønsker deg Guds velbehag!

Vinter i Trondheim

2010-01-15T17:32:00.003+01:00

Gradestokken viser nett no -7,7 , og det er mildvær om ein skal tenke på dei to siste vekene sitt kalde vintervér. Heilt ned i -24 har vi hatt, og det har vore kalde morgonar å stå og vente på bussen til jobb. Men det gjer eigentleg ingenting når det vert sjåande slik ut, ute.

Trondheim er utan tvil flott i vinterskrud!

Elles har kvardagslivet innhenta oss. To veker på jobb er akkurat nok til å kjenne at det eigentleg er godt å vere student, men eg klagar ikkje. Det er kjekt å vite at det eg gjer førar til at kontoen veks! Og med meir ansvar på arbeid er det og kjekkare, utan tvil! No er Hans Jakob på trening, og snart skal eg og. I morgon spelar vi den tredje rankingturneringa i volleyball denne sesongen. Det vert spennande å sjå korleis det går! Ha ei god helg alle saman!

Eitt års bryllaupsdag

2010-01-03T15:37:00.004+01:00

I dag har vi vore gift i eitt år! Eit flott år!
Vi har tent lyset vi tente i kyrkja og kosar oss saman siste dagen av juleferien!

God jul!

2009-12-25T17:12:00.000+01:00

Hans Jakob og eg ynskjer alle saman ei strålande og fredelig julehøgtid! Vi feirar vår første jul saman hos systra mi på Sandane. Resten av familien min er her og i skrivande stund vert 1. juledagsmiddagen førebudd. Vi skal ha kalkun i staden for lutefisk til Hans Jakob si store letting! I går hadde vi ein innhaldsrik dag planlagd av Simen-nevø. Bibelsti, julekrubbe i stallen og gåveopning var noko av innhaldet! Hans Jakob er strålande nøgd med kaffemaskina han fekk med meg, og eg er kanskje enda meir nøgd med scrapbookpengane og min nye onepiece-dress! I dag har vi kosa oss med plateinnspeling i studio west coast av Simen sin sjølvdikta julesang. Og kanskje vert det og både film og speling av vårt nye Dominion-spel! I morgon reiser vi til Volda og skal kose oss resten av jula der! Ha ei fortsatt god jul alle saman!

Vi var Maria og Josef i stallen!

God jul til dykk alle saman!

Kvil i fred

2009-12-14T15:27:00.003+01:00

Eit viktig familiemedlem er ikkje lenger ein del av den vesle familien vår. Hans Jakob sin kjære Suzuki FZ vart stolen førre veke. Han vart og funnen att, og taua inn til Falck Trondheim. Og der skulle eg hente han i dag. Uheldigvis hadde nokon hatt det kjekt med å prøve å kople ledningane for å få start på mopeden. Dei var røska ut både her og der, så det var ikkje nokon vits i å prøve å reparere han. Difor, til ære for Hans Jakob sin kjære FZ, ei lita biletframsyning til minne om ein god kamerat som no er på veg til vrakhaugen.

Stort

2009-12-09T23:40:00.002+01:00

Kva er stort? Hendingane dei tre siste dagane.

Mandag gjorde eg ferdig bachelorgrada mi i pedagogikk og kommunikasjon, så no kunne eg ha vore ferdig utdanna om eg ville. Det vil eg ikkje, men eg skal ha eit halvår fri før masteren startar til hausten.

Tysdag naut eg det å ha juleferie i fulle drag.

Onsdag, altså i dag, fekk eg meg jobb. Eg vert å finne på Møller Kompetansesenter etter jul i eit 100% vikariat på elevheimen der. Det inneber for det meste dagvakter, nokre seinvakter og nokre få helger. Eg er veldig nøgd med å ha fått ein jobb som eg allereie kjenner, men med litt meir ansvar enn som tilkallingsvikar.

Alt dette feira vi med tur på kafé i dag, etter ein liten julegåveinnspurt. Kjempekjekt!

I morgon, torsdag, skal eg fortsetje å nyte det å ha juleferie i fulle drag, med saum og handballkampen i bakgrunnen! Nett no er livet stort!

Ønskelister

2009-12-05T16:39:00.003+01:00

Om du er av dei som lurer på kva vi ønsker oss til jul, så kan du sjå til høgre litt ned på sida. Vi har kvar våre ønskelister og ei felles og :)
Dei vert noko meir utfylde etterkvart som det nærmar seg jul!

Eksamenslesing

2009-12-03T13:16:00.003+01:00

Ja, det er framleis eksamenslesinga og forkjølinga som pregar heimen! Men no er eg faktisk i gong med å lese til årets siste eksamen, og forhåpentleg siste eksamen på nærare eit år, i tillegg til at forkjølinga nesten har gitt seg. Mandag hadde eg eksamen i PED1000 - Moderne barndom der eg skreiv om barnehagens utvikling og framvekst frå 1800-talet og fram til i dag, i tillegg til at vi leverte bacheloroppgåva som vi har arbeidd med i heile haust. I går fullførte eg PED1001 - Pedagogisk filosofi og idéhistori med eit essay om Rousseau og Foucaults syn på oppseding. Det utgjer 37,5 studiepoeng av haustens 52,5 poeng. No er det lesing i PED1002 - Pedagogisk psykologi og utviklingspykologi som gjenstår. Eksamen er på mandag og nett no kom motivasjonen til meg. Eg kom på å sette på sangane vi sang i Dynamis på Sagavoll. Eg les, skriv inn notatar på dataen og syng med for full hals ("are you ready for your blessing?") og synst dermed det fortente eit blogginnlegg. Brått vart det så kjekt! :) Dessutan les eg om barnets tidlige sosiale og språklege utvikling, og faktisk er det ganske interessant. Visste du at barn som berre er 15 minutter gamle kan gjere same grimaser som mor eller far dersom det får høve til det og god nok tid?

Kanskje kan det forresten verke som det berre er liv i den eine halvdelen av ekteparet Hunnes. Hans Jakob er flink student og er lenge på skulen kvar dag. Elles går det i jobb og trening for hans vedkomande. Så han har det bra han og :)

Ha ein herleg dag alle saman! Min vart brått mykje betre!

1. søndag i advent

2009-11-29T14:48:00.004+01:00

Morgonstund har gull i munn! :)
Hans Jakob var tidleg oppe for søndagsfotballen, eg stod og opp då for å få tid til søndagens adventsstund med song og tenning av første lys i adventsstaken! Ynskjer alle saman ei flott adventstid med dette bibelverset.

Fredsfyrsten fra Betlehem
Men du, Betlehem, Efrata,
den ringeste blant ættene i Juda!
Fra deg lar jeg komme en mann
som skal være hersker over Israel.
Han har sitt opphav i gammel tid,
han er fra eldgamle dager.
Mika 5,1

Hugs på at det er han vi ventar på!

Fleire bilete av staken kan du sjå på eglagar.

Julefest og adventstid

2009-11-24T14:51:00.007+01:00

I Trondheim byrjar alltid jula litt før eg er heilt klar for det, men slikt må til når eksamensulven snik seg tettare og tettare på, då vert det lita tid til feiring seinare. I helga var det duka for Student-KRIK Trondheim sin årvisse julefest. Den måtte faktisk flyttast til KVT i år på grunn av stor medlemsauke. 170 stk var med på julefest med koldtbord, underhaldning og sjølvsagt swing. Det vart ein kjekk kveld, få bilete vart teke. Men dei vi tok oppsummerar kvelden ganske greit.

Hans Jakob tek det obligatoriske "no har Elisabeth pynta seg"-biletet før avgang. Etter det vart det liksom ikkje så mykje biletetaking.

Elisabeth snik seg unna juletregangen ved å vere fotograf. Ser du juletreet?

Hans Jakob snik seg unna juletregangen ved å tenne lys og vaske over borda.

No er eg superklar for adventstid. Rykta seier at det er 1. søndag i advent i helga, noko som gjer det lovleg å finne fram dei lilla kubbelysa, dei lilla serviettane, den lilla løperen vi fekk til bryllaupet, dei lilla hjerta som skal telje ned til jul på vindaugsruta, Julemysterietav Jostein Gaarder som vi skal lese høgt frå kvar kveld (tipp kven det er sin idé) og sist, men ikkje minst, den nydelege julekrubba vi fekk til bryllaupet av Marianne og Asbjørn.

Advent - eg ventar på deg! Kom for alt er (snart) ferdig!

(Og ja.. Eg les eigentleg til eksamen no, men det er så mange andre ting som freistar meir.)

Jobbsøking

2009-11-06T14:24:00.002+01:00

Som fleire andre i familien min har jobbsøking vore eit hett tema for meg dei siste månadane.. Eg har fri etter jul før eg startar på master i rådgivning hausten 2010. Og er difor midt inne i jobbsøkingsprosessen, og i går var eg på intervju i NAV som teiknspråkleg saksbehandlar. Av ni søkjarar var eg ein av fire som vart innkalt til intervju. Jippi! Men.. Eg trur eg må ha fått tidenes kjappaste tilbakemelding, dei ringte i dag. Av dei fire som var innkalt på intervju var mi teiknspråkkompetanse den dårlegaste (det er litt vanskeleg å konkurrere med folk som har snakka teiknspråk heile livet). Difor fekk eg ikkje jobben, men eg lærte mykje, og eg er hjertelig velkomen dit i praksis på rådgivningstudiet og kanskje ser eg ei masteroppgåve i emning? Om rådgivningssamtalar med døve? Det vert i alle høve spanande :) Elles står eg på vidare og skal på intervju att i neste veke. Så dette er det som skjer med meg for tida. I tillegg til intensiv skriving på bacheloroppgava og eksamensfrykt. Ha ei god helg!

3-0 over Reima jr.

2009-10-25T12:47:00.003+01:00

Så var årets første seriekamp over. Vi vant, men det var berre så vidt av og til.. Eg spelte min første kamp som leggar og det var utruleg forvirrande. Uansett, eg hugsa systemet etter kvart og spelte betre etterkvart! Ha ein god søndag. Eg skal på jobb.

2009-10-14T10:58:00.002+02:00

Dette er oss. Vi er ekteparet Hunnes jr. Og vi gler oss slik til å reise til USA til neste år! I dag har vi planlagt mykje, bestilt hotell og greier..! Kjekke saker!

Make your Stick Figure Family at FreeFlashToys.com

Volleyballdebut

2009-10-04T19:23:00.004+02:00

Då er første tellande turnering med NTNUI D3A over.. Og for ei helg! Vi har vore med i sonemeisterskap i Orkanger. Og vi gjorde det kjempebra!! Av 22 lag frå 2. og 3. divisjon (vi spelar i 3. div) kom vi på 4.plass :) Noko som betyr at vi slo fleire 2.divisjonslag, blant anna klubbrivalane NTNUI D2B. Eg er enno i volleyrus etter ei kjekk helg både som kantspelar og som diagonalspelar!

Solveig, Marte og eg er klare i mottak.

Marte og Rikke set blokka!

Knallbra D3A!!

Siste kampen laurdag vart pinefull då vi møtte klubbrival D2A.

Nina og Rikke og eg sat på benken og var særs spente. Men vi vant!

Her er heile gjengen..
Bak frå venstre: trenar John, Ane, Solveig, Marte og Ingrid Marie

Foran frå venstre: Nina, meg, Berit og Rikke

Haust

2009-09-21T18:08:00.003+02:00

Var ein kjapp tur heime i helga. Køyrte nedover fredag med kjekt selskap av Britt i bilen. Laurdag var vi på kyrkjemessa (ordentlig basar), men hovudsaken til at eg var heime skjedde søndag. Pappa hadde si siste gudsteneste i Sykkylven kyrkje, og der var det åtte barnedåp, full kyrkje og avskjedsfest. Både kjekt og litt rart på same tid.. Etter gudstenesta reiste eg vidare til Volda for å levere frå meg bilen til svigermor som vi har lånt heilt sidan januar. Tusen takk for lånet! No er eg tilbake i Trondheim og her går det i skule, eplejuice-pressing (var på epleslang i hagen heime), planlegging av haust-tur til Oslo og jobb. Ha ei god veke!

Brudlaupsreise 2010

2009-09-14T15:05:00.002+02:00

Då er billettane booka, vi reiser til New York og California/Nevada i fire veker til sommaren! Vi gler oss til roadtrip!

Short is the new long

2009-09-10T14:09:00.005+02:00

I ein ubevakta augneblink tok eg mot til meg, sette ledninga i støpselet og let det stå til. Resultatet vart som fylgjer:

Etter reaksjonane å dømme hev eg i alle høve fått forstå at folk likte sveisen min før. Det er då noko.

Kva som eigentleg fekk meg til å snaue sveisen sist onsdag, hev ikkje gått opp for meg før eg gjekk gjennom ein del gamle bilete for å finne eit "før"-bilete til "før-og-etter"-bilete eg hadde tenkt å poste på bloggen.

Det manglar nemleg ikkje på inspirasjonskjelder i familien. Sjå berre her:

Mor

Far og nevø nr 1

Nevø nr 2

Bjørnar

Rut

Odd Erling

Visste de forresten at alt håret på kroppen tilsaman veks omlag 53 meter for dagen?

2009-08-21T10:06:00.004+02:00

Sommarferie 2009

Ei oppsummering.

Etter gute- og jenteturen reiste vi ei veke til Lyngør
på Sørlandet. Late dagar med soling, bading og familiekos!

Vi reiste frå sommarveret, og kom til Volda der det
heldigvis var opphald i nokre dagar slik at vi kunne
hjelpe til å male huset.

I mellom husmalinga i byrjinga av juli, og bryllaupet til
Ester og Kristian, var det mest regn og dårlig ver.
Difor vart det lite aktivitetar med bilete frå.
Jobbing i Volda og Sykkylven vart det og tid til!

Ei kjempekjekt bryllaup, med nydeleg brud og brudgom!
Vi koste oss kjempemasse i alle fall!

Det vart faktisk fint ver innimellom.
Og grilling på hytta kombinert med den finaste utsikta eg veit er ikkje feil!
Pappa er ivrig grillmeister.

I Sykkylven vart det også tid til blåbærtur, faktisk blåbærturar.
Vi måtte tilbake nokre dagar etterpå fordi vi hadde for få spann.
Aldri har vi sett så mykje blåbær, og aldri har vi plukka så mykje heller. 35 l!

Blått i blått! Fri fri tue, ingen lov å tjue :)

Så til det som har prega sommaren i stor grad. Flyttinga.
Mamma og pappa er i desse dagar i ferd med å takke for seg

i Sykkylven etter 20 år som prestefolk. Dei skal flytte til Molde.
Dette er både kjekt og rart, kjekt fordi dei kjem nærare Trondheim.
Og rart fordi vi ikkje lenger reiser heim på ferie, men på besøk til dei i Molde.

Nokre kjekke turar vart det og tid til. Her i Regndalen.
Diego, eg, Marianne, pappa og mamma.

Her er Solveig, Hans Jakob og eg på matatur i Rundsteinsvika.

Kakao og nybaka vanilje- og sjokoladebollar vart nytt!

God haust! :)

Langbrett

2009-07-28T12:04:00.004+02:00

Første gong Rut freistar ein "slide" på longboard

2009-06-25T09:42:00.003+02:00

Gjensynsglede

Det var så kjekt å sjå kvarandre att etter ferien at vi måtte feire med litt frisbeegolf på Lade og litt longboard i bakken nedanfor Dragvoll på søndag. Dette vart ein herleg feriedag før Hans Jakob starta å jobbe att på mandag.

2009-06-23T19:30:00.005+02:00

Chania, Kreta

Som de kan sjå på innlegget under har Hans Jakob vore på gutetur, så då vart det jentetur på meg :) Eg er heldig som har tre søstre å invitere med på tur. To av tre, Heidi og Solveig, hadde høve til å vere med! Soling, bading, lesing, eting, shopping og avslapping var ingrediensane for ein herleg jentetur!

På tur langs stranda. Steinar i fleire fasongar.

Lenge til vi bestillar grilled mixed plate for three.
Nok mat vart det i alle høve!

Frukost på markterassen

Chania havn

Middag på Fortessa på piren.

Siste kveld og bordtennisturnering.

Heidi på 1. plass, Solveig på 2. plass og eg på siste.

2009-06-22T23:49:00.004+02:00

Vel heime etter ei veke ”på åra” med Ole Kristian. Her er nokre glimt frå turen som tok oss mellom sørlandsk skjærgård og forvilla småvilt frå Homborsund til Lyngør i kajakk.

2009-06-06T17:47:00.004+02:00

Sommarferie

Vi har ferie! Hans Jakob vart ferdig med eksamen i går! Og både eg og Hans Jakob gler oss storvegs over det! I helga har vi besøk av Solveig som har fått sponsa tur til Trondheim av St. Olavs hospital for å vere med i eit forskingsprosjekt! Det nyt vi godt av som får ha henne her hos oss! Eg får elles gleda over å vere mykje meir med henne i næraste framtid, for då reiser ho, Heidi og eg til SYDEN! Det gler vi oss og til! Hans Jakob skal på gutetur.

Men, det som opptek oss mest for tida er dei to siste nyervervingane :) Hans Jakob fekk sitt for nokre veker sidan, og eg fekk mitt i dag. Gjett kva? Sjå under.

De kan gjette kva som er mitt og kva som er Hans Jakob sitt :)

Griptapen må leggast på. Siste hand på verket!

Godt nøgd med resultatet!

Første prøvekøyring! Har ingen L, men har hjelm.

Hans Jakob er dreven.

Han har køyrt mange gongar frå Dragvoll og heim att!

Det har eg og, men med bil :)

God sommar!

2009-05-22T21:50:00.004+02:00

Noko skjer..

17. mai: Frukost, kyrkje, tog, is og pølser og deretter 17.mai-fest

Følgjande bilete oppsummerar dagens høgdepunkt.

19. mai: Eksamen og orientering

Eksamen gjekk bra og orienteringa enno betre! Denne gongen kom eg på at eg kunne sjå etter stiar, bekkar, elver og myrer på kartet. Brått vart det mykje lettare å orientere seg. Eg kom på 2. plass i mi klasse. Framleis slått av langt eldre damer. Dei har truleg både betre kondis og orienteringsevne. Men det er lenge til eg er så gammal, så eg har mange år å gjere det på.

22. mai: Lesedag

Hans Jakob er framleis på skulen. Eg har kome heim. Lagar kort så det står etter for tida. Har fått to bestillingar, bilete kjem på lage-bloggen etterkvart. Ha ei god helg!

2009-05-15T15:27:00.002+02:00

Eg er ferdig med første eksamen. Eg er nøgd.
1 skuleeksamen att og 1 mappeoppgåve att :)

Hans Jakob har berre ein eksamen og den nærmar seg med stormskritt!

2009-05-11T17:03:00.000+02:00

Kva skjer?

Ingenting. Det er eksamenstid.

2009-04-28T20:43:00.007+02:00

O-verraskelse

Då er det altså klart. Eg har gjort min debut! I ein alder av 23 år har eg vore med i orienteringsløp for første gong. Bedriftsorientering nærare bestemt. Jorun, god venninne og "medisinenke", treng som meg noko å fylle eksamenstida med, og tok meg difor med på o-løp i dag på Melhus! Kort oppsummert så var det mykje myr, mange postar, stor forvirring i starten og enda større forvirring då det vart klart at eg kom før Jorun i mål, berre med tre minutt då! Likevel for meg, ein veldig stor seier :)

No ventar vi spent på heile resultatlista som skal komme i kveld.
Oppdatering: Eg kom på 5. plass av 6 moglege i mi klasse, K16-34 :) Eg er stornøgd. Slått av mange 50 år gamle damer, men eg har jo mange år å gå på!

Illustrasjonsfoto

2009-04-24T18:35:00.002+02:00

Utprøving av bryllaupsgåver

2009-04-19T19:08:00.002+02:00

Påska 2009

Kort oppsummert:

- torsdag til mandag på Hansbu i Rondane
- tysdag til fredag på Tindebu i Sunnmørsalpane
- fredag til tysda i Volda

Det vart nesten to veker med ferie på oss i år! For ein luksus. Lånt bil gjer det og enklare med transporten når ein reiser så mykje i mellom! Her følgjer nokre bilete frå gode stunder..

Ligretto

Pappa tek oppvasken

Ticket to ride the card game

Diego og mamma

Hans Jakob et biff på Hansbu

Det vart litt vanskelegare enn planlagt å finne bilete. Kameraet har tydelegvis ikkje vore med på tur, og det er visst eg som har vore fotograf heile påska. Betre lykke neste år?

2009-03-25T22:13:00.001+01:00

eg lagar...

her kan du sjå kva eg lagar :)

2009-03-11T23:25:00.000+01:00

Vi er i Riga!

Så, kva har vi gjort til no?

Vi har eigentleg ikkje så mykje å fortelje. Det florerar ikkje med kulturelle opplevingar her, men vi har likevel nokre betraktningar om landet vi er i og hovudstaden der.

Det er kaldt og snekje her. Folket er likeså.

Det jobbar mange i kvar butikk, og bak kvar ein disk. Timelønna må vere låg.

Alle damer kan å gå på høge stiletthælar.

Kinotilbodet er svært bra. Vi har sett to filmar til no! Det er halv pris.

Menn går med små svarte feminine vesker, men kompenserer med maskuline bartar.

Den varme sjokoladen er like tjukk som sjokoladesaus. Ein vert mett.

Det er nedtelling til grøn mann.

Taxi heim er billigare enn ein bussbilett i Trondheim.

Hans Jakob kjem til å vinne 10 lat (130 kr) i Riga-mesterskapet i speling. Han leiar 14-4.

Eg har bursdag om 16 minutt! Lurt å reise til Riga. For då har eg bursdag ein time før enn om vi hadde vore i Noreg.

2009-02-25T21:44:00.000+01:00

Enda ei oppdatering

I kveld har eg vore på kunstutstilling. Ute. Faktisk var det kunst på Nidarosdomen. Med Hans Jakob sitt kamera over skuldra tok eg turen saman med Reidun. Sidan eg ikkje er nokon særleg god fotograf fekk eg berre eit (nesten) klart bilete. Tenkte eg måtte dele med dykk som ikkje bur i Trondheim at det er verdt å ta turen hit og sjå Trondheim si stoltheit!

2009-02-24T21:02:00.000+01:00

Oppdatering

Etter fleire oppmodingar om oppdatering frå ulike jenter med namn Solveig, kjem no den etterlengta oppdateringa i form av ein biletblogg. Her tek vi dykk med i eit dykk i biletarkivet frå dei to første månadane som nygift!

Her er to bilete av kjolen Solveig. Samt to gode augneblikk under vigsla!

Deretter vart det sofa på oss.

Og når den var komen i hus, var vi klare for kombinert bursdags- og innflyttingsfest!

Etter dette vart det nokre rolige dagar før familien byrja å kome på besøk :)

Først ut var Rut, og helga etter kom mamma og pappa.

Med Rut var vi på tur til Festninga, ein tur i byen og elles heime.

Med mamma og pappa gjekk helga til eting, avslapping, ein tur i byen og elles til GuitarHero!

Vi storkosar oss i her i Trondheim. Dersom det fristar å kome på besøkø til oss er de hjertelig velkomne! Vi har gjestesenger og stort hjerterom! No nærmar det seg eksamen for Hans Jakob, så det spørs om det vert noko meir skriving før vi kjem att frå herleg avslapningstur til Riga!

Singsakerbakken

2009-01-12T00:06:00.000+01:00

Her kjem nokre bilete ifrå den nystarta heimen vår i Singsakerbakken. Me ventar framleis på sofa, men me ventar på fjernsynet òg, så førebels går det veldig bra. Me hev ikkje tid til å sitte ned mykje for tida uansett :)

2009-01-10T11:47:00.000+01:00

No er altså festen overstått, og for ein fest! Det var ein fantastisk dag, så full av gode minner at dei ikkje let seg gjen oppsummere i ei tekst som denne. Tusen takk til alle som bidrog og til de som var med å feire dagen med oss!
No hev kvardagen innhenta oss litt her i Trondheim. Men den nye livssituasjonen gjer liksom alt så mykje kjekkare. I gårkveld hadde me det til dømes kjempekjekt med å sortere handklea våre på badet! Me satt på golvet med varmekablane ein heil kveld og prata, tøysa og organiserte (!) :) Det er godt å vere gift!
Her kjem nokre få bilete ifrå dagen så langt. Fleire kjem etterkvart!

Vinterlagring

2009-01-01T11:46:00.000+01:00

Godt nyttår!

Til de som kjem med buss fra Moa. Ta buss som går til Stranda, denne kjører forbi Sykkylven og fører dykk til fjells. Gå av på Fjellsæterskiftet og gje gjerne ein lyd til Elisabeth - 92 09 04 66, så henter vi dykk der. Då er det ein 10 minutts køyretur innover fjellheimen og så er de framme!

Bussane til Stranda går frå Moa den 2. januar, klokka:

- 09.30 - kjem du på denne bussen kan du gå av i Sykkylven
- 11.30 - kjem du på denne bussen kan du og gå av i Sykkylven
- 13.30
- 14.30
- 15.30
- 17.30
- 18.30

2008-12-23T22:31:00.000+01:00

Etter fem dagar heime i Sykkylven og i Volda er det ikkje så mange ting som gjenstår. Vi har arbeidd kvar for oss med mange forskjellige oppgåver som vi ikkje har hatt høve til å gjere før vi kom heim. No er det kveld, og eg er i alle høve klar for jul og julefeiring.

Dersom det er noko de lurer på er det berre å ta kontakt på fordidetervito@gmail.com, eller ringe oss!

Då gjenstår det berre å ønske alle saman God Jul!

2008-12-16T08:54:00.000+01:00

Eg har flytta inn i nyeleiligheita! Vi har montert pult og bokhylle, kjøkkenbord og stolar, vitrineskap og tv-benk. No gjenstår berre sofa, salongbord og ny tv! Det er jammen kjekt med IKEA! No gler vi oss enno meir til å komme tilbake til Trondheim etter bryllaupet, fordi vi har fått det så fint! Men først er det jul og så er det bryllaup! Det vert kjekt! Ha ein flott desemberdag, no må eg lese på eksamen!

2008-12-05T09:45:00.000+01:00

Overnatting

Romfordelinga på hyttene på Orreneset er no klar. Fordi det er to- og fire-/femmannsrom, og dobbelt så mange fire-/femmannsrom håper vi at nokre ektepar greier ei natt utan sin aller kjæraste.. På kvar hytte er det dusj og WC og i tillegg er det fleire dusjar på hovudbygget. Nokre skal og sove på hovedbygget, og dei veit sjølv kven dei er. Dei med parantes rundt skal overnatte frå laurdag til søndag, resten skal overnatte heile helga. Det er lurt å hugse på å ta med enten sovepose eller eige sengetøy, om du skal leige sengetøy koster dette 85 kr ekstra.

2008-11-18T20:17:00.000+01:00

Tilbodsavisene strøymer inn no som det nærmer seg jul, og eg følgjer nøye med for kva finn eg der? Jo, tilbod på ein del ting vi ønskjer oss. Så er du av den økonomiske typen kan du fram til 1. desember finne tilbod hos Jernia. Det er t.d. 20% på Høyang Polaris All Steel kasserolleserie som vi ønskjer oss diverse kasseroller frå. Og så er det også tilbod på drillen vi ønskjer oss. Jernia-butikkar i heile landet har tilgang til vår ønskeliste på internett, og det har du og dersom ser til høgre på skjermen din.

2008-11-12T12:02:00.000+01:00

Vi har fått husvære! Frå nyttår vert vi å finne på Nedre Singsaker i ei 42 m2 stor leiligheit. Vi bur praktisk talt på bussruta til Dragvoll der Elisabeth studerer, og om du er sånn passeleg god å kaste, kastar du lett ein stein på St. Olavs hospital der Hans Jakob held til fleire timar om dagen. Vi er sjølvsagt svært nøgde og no gler vi oss til å flytte saman. Sovesofa vert innkjøpt så då har du og høve til å komme til Trondheim og besøke oss! Velkommen!

2008-10-30T12:15:00.000+01:00

Berre til informasjon så er middagsserviset Cuisine til 30% på Christiania Glasmagasin for tida. Og det passar jo bra, fordi vi ønskar oss jo nettopp dette! :)

2008-10-15T14:10:00.001+02:00

Overnatting

Som nemnt vil det verte høve til å overnatte på Orreneset frå fredag til søndag (250 kr) eller frå laurdag til søndag (150 kr). Du kan anten ta med eigen sovepose, eller eige sengetøy (det er dyner og puter der) og det vert då ikkje noko tillegg i prisen. Dersom du har fått for mykje pengar i julegåve og har dårleg plass i kofferten, er det høve til å leige sengetøy for 85 kr.

I tilknytning til senteret er det 6 hytter, med plass til 10/12 i kvar hytte fordelt på tre rom. To 4/5-mannsrom og eit 2-mannsrom. Det er dusj og WC på kvar hytte, og i tillegg er det dusjar i hovudbygget, dersom det vert trangt om plassen laurdag morgon.

Så dersom du har behov for ein stad å sove, anten heile helga eller frå laurdag til søndag er det flott om du gjev melding om dette!

2008-10-12T21:06:00.000+02:00

Bryllaupsplanlegging

Gjengen på veg til Orreneset
Hans Jakob, Elin, Odd Ragnar, Per Inge og Olgunn

I helga har vi teke turen heim til Sunnmøre for ei helg med planlegging saman med våre foreldre.

Vi kom heim til Sykkylven torsdag kveld og vart møtt med nybaka horn og kakao! Fredag brukte vi til oppdatering av ønskelista på Jernia, vigselssamtale med Per-Inge, far til Elisabeth, samtale med fotografen, utlevering av invitasjonar og andre førebuingar.

Laurdag morgon var vi innom blomebutikken for å snakke om blomane til den store dagen, før vi reiste til fjells til Haugenhytta. Dit kom og Elin og Odd Ragnar og dagen vart brukt både til synfaring på Orreneset, planlegging, eting av Hans Jakob sin første bacalao-middag, testing av bryllaupsdessert og prøvesmaking av bryllaupskaka.

Dette skiltet kan du sjå etter, då er du framme!

Der er ein viss likskap ja..

Orreneset misjonssenter

Våre foreldre matchar kvarandre utan tvil!

Søndag vart brukt til oppsummering, fårikål-middag, med eplekake til dessert og meir bryllaupskake, før vi sette kursen mot Volda. Her har vi nett ete kveldsmat, og skal no ut på ei lita runde for å levere ut dei siste invitasjonane.

Oppvask før heimreise.

I morgon ventar ein tur på Volda Glassmagasin for meir oppdatering av ønskeliste, før vi set kursen tilbake att til Trondheim og ei ny skuleveke. Det har vore ei flott helg og vi gler oss framleis til bryllaup!

2008-10-08T17:14:00.000+02:00

Kjøkemeister Rut

Hans Jakob si yngste syster Rut hev sagt seg villig til å vere kjøkemeister, toastmaster eller visevert om du vil. Det vil seie at det er henne de må ta kontakt med dersom de ynskjer å bidra med talar, songar, kåserileseing eller anna moro i bryllaupet vårt. Dette gjer de på fylgjande måtar:

mobil: 98 88 73 40
straumbrev: ruthunnes (alfakrøll) hotmail.com

Tusen takk Rut!

2008-09-30T14:38:00.000+02:00

Transport

For å kome seg til det fagre Søndmør har du mange moglegheiter.

Til dømes kan Nor-Way bussekspress frakte deg landevegen til Sykkylven frå fleire av Noreg sine storbyar.
Møreekspressen (146) er å anbefale for deg som kjem frå Oslo, då kjem du direkte til Sykkylven.

Vestlandsbussen over Stryn (431) tek deg direkte frå Bergen til Sykkylven.

Mørelinjen (630) går frå Trondheim til Moa, og derifrå tek du ein lokalbuss til Sykkylven.

Dersom du foretrekk å støtte NSB, kan du kome deg til Sykkylven, ganske rimelig, frå Sør-Vestlandet, Sørlandet og Austlandet via Oslo til Åndalsnes. Men då er det eit smart triks å vere tidleg ute å skaffe deg miniprisbillettar. Frå Åndalsnes går det togbuss til Moa, den tek omlag 1,5 time, før du set deg på lokalbussen til Sykkylven, som er framme 40 minutt seinare.

For deg som har lita tid er nok fly det kjappaste alternativet. SAS og Norwegian flyg til Ålesund lufthamn Vigra. Derfrå kjem du deg til Sykkylven på litt over ein time, først med flybuss til Moa,

og derifrå med lokalbuss til Sykkylven.

Som nemnt i invitasjonen vert vi glade for å få vite kva transportmiddel du kjem med, anten du reiser kollektivt eller med eigen bil. Då vert det lettare for oss å samordne transport til og frå fjellet og kyrkja.

Og så er det lurt å unngå dei aller seinaste ankomstane fredag og dei aller tidlegaste avgangane søndag, då kan det verte litt vanskeleg med transport til og frå fjellet.

God tur!

2008-09-28T15:25:00.000+02:00

No har vi laga ferdig alle invitasjonane! Og det var kjempekjekt!

Dei aller aller fleste er no sendt av garde eller levert personleg til mottakarane.

Svara har faktisk også byrja å tikke inn.

Postar nokre bilete frå arbeidet med invitasjonane.

Vi gler oss til å få endå fleire svar!

2008-09-24T15:13:00.000+02:00

Velkomen!

Her i Trondheim går planlegginga så det susar.

No er snart alle invitasjonane ferdige,

nokre har allereie fått sine, og det er sikkert difor

du nett no les akkurat dette.

Etterkvart skal vi leggje til litt meir informasjon her.

Til no har vi lagt ut litt lenkjar til høgre på skjermbilete.

Der kan du finne lenkjar til ønskelistene våre,

og til ulike transportmiddel,

som kan frakte deg som ikkje har bil til Sunnmøre.

Vi gler oss veldig mykje til å sjå deg i januar!

Ha ein flott dag!